सोलापूर : सोलापूरची वरदायिनी असलेली उजनी ते सोलापूर दरम्यान असलेल्या यशवंत जलवाहिनीला विविध ४ ते ५ ठिकाणी मोठ्याप्रमाणात अचानक गळती झाल्याने पाणी पुरवठा विभागाने सदर काम तातडीने दुरुस्तीला घेतल्याने दि.०६.०९.२०२३ आज रोजी शटडाऊन घेण्यात आले आहे.
उपरोक्त कारणामुळे उजनी येथून पाण्याचा उपसा कमी होणार असल्याने उजनी लाईन वरील होणारा पाणी पुरवठा उशिरा कमी वेळ कमी दाबाने होणार असल्याने कृपया सोलापूरातील नागरीकांनी उपलब्ध पाण्याचा वापर काटकसरीने करुन सहकार्य करावे अशी विनंती सोमपाने केली आहे.