सोलापूर : गृहनिर्माण आणि शहरी व्यवहार मंत्रालय, अमृत २.० अंतर्गत, दि. ०७ नोव्हेंबर ते दि. ०९ नोव्हेंबर २०२३ या कालावधीत “जल दिवाळी साजरी करण्यासाठी सोमपा कडून “Women for water, Water for Women Campaign “
” पाण्यासाठी महिला, महिलांसाठी पाणी अभियान ” नावाचा उपक्रम राबविण्याचे नियोजन करण्यात आलेले आहे.
सोलापूर महानगरपालिकेच्या माध्यमातून ७ नोव्हेंबर रोजी ५० महिलांना भवानी पेठ जलशुद्धीकरण येथे स्वयंसहाय्यता बचत गटामधील ( SHGs) महिलांना भेट देण्याची संधी उपलब्ध करून देण्यात आलेली होती या भेटींमुळे त्यांना घरोघरी स्वच्छ आणि सुरक्षित पिण्याच्या पाण्याचा पुरवठा करण्याच्या विविध प्रक्रियांची माहिती मिळाली. शिवाय, नागरिकांना उच्च-गुणवत्तेचे पाणी मिळेल याची खात्री करून घेणाऱ्या पाण्याच्या गुणवत्तेच्या चाचणी प्रक्रियेबद्दल त्यांना शिक्षित केले गेले पाण्याच्या पायाभूत सुविधांबाबत महिलांमध्ये आपलेपणा आणि मालकीची भावना वाढवणे हा या भेटींचा मुख्य उद्देश होता. शिवाय या भेटींमुळे महिलांना मुलाखतींच्या माध्यमातून संवाद साधण्याची संधी निर्माण झाली, सर्वसमावेशकता आणि सहभाग याला चालना मिळेल तसेच एकूणच गटांमधील महिलांचा अनुभव वाढविण्यासाठी, स्मृतीचिन्ह आणि महिला बचत गटांनी तयार केलेल्या वस्तू भेट म्हणून देण्यात आले.सोमपा आयुक्त शीतल तेली-उगले यांच्या मार्गदर्शनाखाली अतिरिक्त आयुक्त संदीप कारंजे,शहर प्रकल्प अधिकारी तथा उपायुक्त मच्छिंद्र घोलप, सार्वजनिक आरोग्य अभियंता विजय राठोड यांच्या सूचनेनुसार शहर अभियान व्यवस्थापक समीर मुलाणी, गिरीश तंबाके ,समुदाय संघटक शीलाताई वाघमारे, अंबादास जाधव, प्रियंका इंगळे, अरविंद महाले, वसीम शेख, साईप्रसाद पोळ ,शशिकांत वाघमारे, नागेश क्षीरसागर आदींनी परिश्रम घेतले.