२८ डिसेंबर ते १ जानेवारी २०२४ पर्यंत कृषी प्रदर्शन राहणार खुले
सोलापूर √ श्री सिद्धेश्वर महाराज गड्डा यात्रेनिमित्त कृषी विभाग व मंदिर समिती यांच्या संयुक्त विद्यमाने होम मैदानावर सलग ५३ वे श्री सिद्धेश्वर कृषी प्रदर्शनाचे उद्घाटन सोलापूरचे पालकमंत्री चंद्रकांत पाटील यांच्या हस्ते करण्यात आले सोलापूर जिल्ह्यासह परिसरातील नागरिकांनी शेतकऱ्यांनी या कृषी प्रदर्शनाचा व यातील अद्यावत कृषी तंत्रज्ञानाची माहिती जाणून घेऊन त्याचा शेती मध्ये प्रत्यक्ष वापर करण्यासाठी एक चांगले व्यासपीठ उपलब्ध झालेले असून याचा शेतकरी बांधवांनी लाभ घ्यावा असे आवाहन पालकमंत्र्यांनी यावेळी केले.यावेळी जिल्हाधिकारी कुमार आशीर्वाद देवस्थान समितीचे महादेव चाकोते, बाळासाहेब भोंगडे, बसवराज शास्त्री, जिल्हा अधीक्षक कृषी अधिकारी दत्तात्रय गावसाने, कृषी उपसंचालक राजकुमार मोरे, जिल्हा कृषी विकास अधिकारी परमेश्वर वाघमोडे, प्रकल्प संचालक आत्मा मदन मुकणे यांच्यासह कृषी विभागाचे विविध अधिकारी व अन्य मान्यवर उपस्थित होते.
या कृषी प्रदर्शनातील विविध स्टॉल्सना पालकमंत्री चंद्रकांत पाटील यांनी भेट देऊन पाहणी करत स्टॉल वरील विविध तंत्रज्ञान व अद्यावत तंत्रज्ञाने उत्पादित शेती पिकांची माहिती त्यांनी यावेळी जाणून घेतली हे प्रदर्शन शेतकऱ्यांसाठी अत्यंत उपयुक्त असल्याने जिल्ह्यातील तसेच शेजारील जिल्ह्यातील नागरिक व शेतकरी यांनी प्रदर्शनाला भेट देऊन येथील अद्यावयत तंत्रज्ञानाच्या माहितीचा लाभ घ्यावा असे आवाहन त्यांनी केले.
श्री सिध्देश्वर देवस्थान सोलापूर, कृषी विभाग,आत्मा व जिल्हा परिषद सोलापूर यांच्या संयुक्त विद्यमाने आयोजित या प्रदर्शनात कृषीशी संबंधित एकुण ३५० स्टॉल्स लावण्यात आलेले आहेत यामध्ये शेतकरी उत्पादक, महिला बचतगट, कृषीशी संबंधित अद्यावयत तंत्रज्ञान, कृषी अवजारे विक्रेते कंपन्यासह विविध स्टॉल्स आहेत. या प्रदर्शनास शेतकऱ्यांचा उत्स्फूर्त प्रतिसाद मिळत असतो अशी माहिती जिल्हा अधीक्षक कृषी अधिकारी गावसाने यांनी दिली या कृषी प्रदर्शनाला परिसरातील नागरिक व शेतकरी मोठ्या संख्येने उपस्थित होते कार्यक्रमाचे सूत्रसंचालन तालुका कृषी अधिकारी मनीषा मिसाळ यांनी केले तर आभार प्रदर्शन कृषी उपसंचालक राजकुमार मोरे यांनी मानले.