लिंगायत समाजाच्या नेत्यांनी दिली भेट
सोलापूर √ लिंगायत समाजाच्या आर्थिक उन्नतीसाठी राज्य सरकारच्या वतीने महात्मा बसवेश्वर आर्थिक विकास महामंडळाची स्थापना करण्यात आली त्या अंतर्गत सोलापुरात या महामंडळाचे कार्यालय सुरू झाले आहे.मंगळवारी लिंगायत समाजातील नेत्यांनी या कार्यालयाला भेट देऊन महात्मा बसवेश्वर ब्लड बँक व राष्ट्रीय लिंगायत महामंचच्या वतीने लिंगायत धर्म रक्षक विजयकुमार हत्तुरे यांनी जगत ज्योती महात्मा बसवेश्वरांची प्रतिमा भेट दिली. यावेळी महामंडळाचे अकाउंटंट सौ रजनी लगशेट्टी, लिंगायत समाजाचे नेते सकलेश बाभूळगावकर,नामदेव फुलारी,सचिन शिवशक्ती, नागेश पडणुरे,सचिन तूगावे,सुरज दरेकर आदी उपस्थित होते.
यावेळी विजयकुमार हत्तुरे यांनी महात्मा बसवेश्वर आर्थिक विकास महामंडळ स्थापन करून सुरू केल्याबद्दल राज्य सरकारचे आभार व्यक्त केले सध्या या कार्यालयात कर्मचाऱ्यांची कमतरता असून ती तात्काळ भरली जावी अशी मागणी केली